LLITERATU PORTADA
LA CITA: "Y quedanon quietes les gaviluetes / naquel estru estranxeru / comu una silenciosa muerte inútil." Xuan Ignaciu Llope
Accesu Rápidu
EDICIÓN 13
05 de payares de 2007
Novedaes lliteraries del añu 2007
La Historia Interminable
30 de mayu de 2006
IV
Autor: xabel diz

Carme conocía a Fran d'había muncho tiempu, cuando fuera moza paraba en dellos de los sitios más escuros de la nueche uvieina de los 80 y Fran yera ún de los más conocíos camellos de la ciudá. Carme tembló cuando vio a Fran, sintió que'l so coral respingaba y entamaba a correr a la mesma velocidá que cuando metía dalguna de les blanques sustancies que Fran pasaba. Abrazóse al so nuevu mozu pa encamentái-y que llamara a un taxi. El coche nun tardó en llegar, pero Carme yá nun yera la mesma.

Xuacu'l quiosqueru La Monxina entrugó pol cambiu d'actitú, la plaza San Marcos taba a un pasu d'ú taben, que nun yera normal facer eso depués de tar esperando tanto tiempu pa facer esto viaxe suañáu. ella retrucó-y que yera normal, coses de muyeres...

Fran, avezáu a la clandestinidá y a persiguir a los clientes que tardaben en pagar, siguiólos hasta la esquina del Archie’s House, la pensión más barata de la ciudá de los canales, prendió un pitu y quedóse esperando hasta decidise a dir a la recepción, depués de cinco años viviendo en Venecia nun tenía problema pa espresase en venecianu. Ensin problema acutó una cuartu xunto la de Carme y Xuan. Les estancies del Archie's yeren un casu específicu dientro de la, yá de por sí, degradada hostelería italiana, un colchón d'espuma enllenu manches marielles, un grifu y con suerte un espeyu; les sábanes y la ducha cobrábense a parte y Fran nun tenía intención de tar por muncho tiempu nesa cuartu. Namás entrar na cuartu quitó l'espeyu de la paré pa posalu nel colchón, echó polvu blancu y metióse una fila d'speed. L'speed más qu'escitalu fizo que recordara aquellos años de xuventú nel Uviéu que via abrir el Ca'Beleño, El Paragües, El Naranco, La Santa... aquellos tiempos nos que'l caballo corría depriesa peles venes de los que pasaben pel Postigu y diben cayer onde la casa Torner. Aquellos años nos qu'algamó perres abondo como pa poder marchar a vivir a Venecia. Naquel tiempu conociere a Carme, una estudiante de filosofía y lletres que viniere, d'un pueblu del cordal, cola esperanza de meyorar la so vida y conocer coses que nun taben nos llibros. Los padres de Carme nun teníen perres como pa mantener a la fea demientres los cinco años de carrera y ella trabayó no que pudo hasta que conociere a Fran momentu nel que la so vida cambiaría.

Carme nel cuartu d'al llau pensaba naquellos años, de les escaleres del Campillín, de los pasos de la cai San Antonio, a la fin naquellos pasos que paecíen simbolizar una vida meyor y que tantu trabayu costaba subir pa depués cayer como un naipe d'una baraxa de mal tahur del Ícaro. Facía por autoconvencese de que Fran nun la reconociere, anque sabía que los sos munchos díes y meses xuntos facíen qu'aquello fuere imposible dafechu. Davezu miraba pa Xuacu sentíalu nerviosu, porque elli tamién la notaba estraña, diferente, nun sabía si cunta-y lo que taba pasando o siguir en silenciu cuando de secute picaron a la puerta.

Capítulo Actual >>
<< Tornar al Entamu << Participar >>

Relatos
Adiós
05 de payares de 2007
Unviáu por: Fernández Fernández, Xurde
Lleer relatu>> << Participar >>

Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |