LLITERATU PORTADA
LA CITA: "No iverno na chalana, no brano / entre as anguias / y as oucas, / pisando as pedras redondas / poñíamos unha ponte cada vez / que cruzábamos a raya. // E traíamos sempre, apegada / nas zocas / terra do outro lado, tanta / a lo menos / como levábamos da nosa.” Aurora García Rivas
Accesu Rápidu
EDICIÓN 13
05 de payares de 2007
Novedaes lliteraries del añu 2007
Autores Asturianos
Balvidares Argüelles, Antón
Biografía

Alias :  Antonio Balvidares Argüelles; Antonio Valvidares Argüelles
Nacimientu:  1751 - San Román (Sariegu / Sariego)
Defunción:  1790 ~ 1792 - Cecea / Ceceda (Nava)

Naz Balvidares (tamién conocíu como Valvidares) na casona solariega de San Román, en conceyu de Sariegu.

Constantino Suárez ufierta la data de 1751 pa la so nacencia diciendo «y no en 1750 como se anota en algún sitio», taba refiriéndose a Fuertes Acevedo, que recueye esta fecha nel manuscritu inéditu del so «Ensayo de una biblioteca de escritores asturianos», del añu 1867.

De familia acomodada y sólida facienda, estudió n´Uviéu siguiendo cursos de Filosofía y Llatinidá, retirándose a la casa d´orixe p´alministrar les rentes familiares.

Foron los sos pas don Francisco Ventura Balvidares y Nava y Doña Joaquina Argüelles de la Rúa.

En 1773 casa con Teresa de Caso y Nava, pasando a residir durante los últimos años de la so vida en Cecea (Nava), morriendo nesi pueblu en 1792, según Fermín Canella y Constantino Suárez; pa Fuertes Acevedo fora l´añu 1790.

Foi de carácter allegre, xovial y propensu a bromes y exercicios divertíos demostrando un bon humor, que nun abandonó hasta los últimos momentos.

Cuéntense d´esti poeta n´asturianu mil anécdotes curioses. Trés son les obres n´asturianu conservaes del fidalgu de Sariegu: «L´entierru del Callóndrigu Regueru», «Diálogu políticu», «El misteriu de la Trinidá y vida, pasión y muerte de Xesucristu». Tamién-y fora atribuyíu por Caveda´l poema «Les esequies de Carlos III n´Uviéu», que correspuende en realidá a l´autoría de la xixonesa Xosefa Xovellanos. En «L´entierru» muestra Balvidares una clerofobia que roza cuasi siempre la caricatura.

El segundu de los poemes d´Antón Balvidares ye un «Diálogu políticu» que sigue la llinia inaugurada por Marirreguera, el poerta de Sariegu fai falar a dos aldeanos cultos sobre los acontecimientos que suceden nesi momentu nel mundu.

Ye una poesía con vocación oral, que persigue la tresmisión de les noticies polítiques nun estilu paródicu de les gacetes y periódicos de la dómina.

El terceru de los poemes de Balvidares, «El misteriu de la Trinidá» ye la refundición de dos distintos publicaos por Caveda con esi títulu.

El resultáu ye un romance llargu de cuasi trescientos ochenta versos, de los que los primeros venticinco pueden corresponder al primitivu primer poema. Xuan Junquera Huergo da noticia nun contestu confusu de dos obres de les que podría deducise la so atribución a Balvidares, «El Viaje a Salamanca» y «El Santo Sacramento», quiciabes esta última ye una de les dos partes que componen el poema «El misteriu de la Trinidá». Pel so llau, Fermín Canella na reedición de l´antoloxía de Caveda diz con respectu a los romances anónimos «La Catedral de Oviedo» y «Un grado de licenciado en la Universidad de Oviedo» que «no faltó quien dijo, ignoramos con qué fundamento, que el autor fue D. A. Balvidares», ensin que pel momentu tea esclariao dicha autoría.

<< Listáu de Autores

<< Tornar al Entamu


El Reportaxe
05 de payares de 2007
Añu intensu pal sector editorial asturianu

Nuna industria que suel ser abondo estática como ye la del sector editorial, esti añu ta siendo un añu de munchu movimientu y del entamu de nueves iniciatives. Nel casu de les editoriales Ámbitu y Trabe, l’añu entamaba con nueves actividaes, entrando dambes dos nel negociu audivisual al traviés de la producción de programes pa la TPA. La primera produz Pieces y Camín de cantares y la segunda dellos espacios dientro del programa Con dos de azucar, que más tarde van convertise nun programa diariu independiente: Al Aldu. Por embargu, la llegada al cargu de Directora Xeneral de Cultura y Política Llingüística diba facer que’l dueñu d’Ediciones Trabe vendiera la so empresa editorial al empresariu Inaciu Iglesias, ún de los accionistes principales d’Ámbitu.
Redacción./I.G.

Lleer más >>


Relatos
Adiós
05 de payares de 2007
Unviáu por: Fernández Fernández, Xurde
Lleer relatu>> << Participar >>
Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |