LLITERATU PORTADA
LA CITA: "Tu sabes bien qu'en mi nun muerre la esperanza, / que los años en mí nun son fueyes, son flores, / que nunca soi pasáu, sinón siempre futuru." Rafael Alberti
Accesu Rápidu
EDICIÓN 11
18 d'ochobre de 2007
Asturies de premiu
Autores Asturianos
Ochoa, Juan
Biografía

Alias :  Miquis
Nacimientu:  4-XI-1864 - Avilés
Defunción:  26-IV-1899 - Uviéu / Oviedo

Escritor y periodista nacíu n’Avilés en 1864 y muertu n’Uviéu en 1899.

Fexo estudios de periodismu y andechó nos primeros años nel periódicu “La Libertad”, na seición “Parola”.

Formó parte de la redaición de “Ecos del Nalón” y “La Sinceridad”, onde firmaba baxo’l nomatu de Miquis.

Collaboró tamién na seición “Habladurías” del periódicu “El Eco de Asturias”.

Al acabar los estudios coló pa Madrid onde fexo daveres la carrera lliteraria trabayando a lo primero baxo les órdenes de Rafael Altamira en “La Justicia”.

Poco dempués tornó p’Asturies aquexáu de los primeros síntomes de la enfermedá que-y causó la muerte.

En 1894 asoleya la novela “Su amado discípulo” y dos años más tarde, la revista “La España Moderna” espubliza “Los señores de Hermida”.

En 1898, Juan Gili asoleya en Barcelona “Un alma de Dios”.

Escribió tamién dellos cuentos como “Libertad”, “La última mosca”, “Historia de un cojo”, “Un genio” o “Nube de paso”.

Asina mesmo, collaboró en “Madrid Cómico” y “Barcelona Cómica”.

En 1955, l’Institutu d’Estudios Asturianos” asoleyó’l volume “Vida y obra literaria de Juan Ochoa Betancourt”, de Manuel Fernández Avello, na qu’estudia al escritor avilesín y la so importancia pala lliteratura asturiana y española.

<< Listáu de Autores

<< Tornar al Entamu


El Reportaxe
19 d'ochobre de 2007
Un premiu que vien a enllenar un espaciu cuasi vaciu: Premiu Asturnews de Lliteratura Infantil y Xuvenil

La empresa editora d’Asturnews.com, Asturnet, y p’ayudar al espardimientu de la lliteratura infantil y xuvenil n’Astuires, convocó esti añu’l primer Premiu ‘Asturnews’ de Lliteratura Infantil y Xuvenil cola ayuda de la Conseyería de Cultura del Principáu d'Asturies. Al concursu lliterariu pueden presentase toles persones interesaes, soles o en grupu, ensin llímite d’edá, con obres curties de lliteratura infantil y xuvenil en llingua asturiana, yá seyan noveles, recopilaciones de cuentos, poemes o obres de teatru. Una iniciativa qu'ufre un nuevu espaciu pa la lliteratura asturiana.


Redacción./Asturnews

Lleer más >>


La Historia Interminable
11 de setiembre de 2007
Capítulu V
Nicolás V. Bardio

De sutrucu daquién picó a la puerta nun cuartu cercanu. Un ruíu de guah.es llorando y les voces d’una madre rompieron la tranquilidá d’un aire que Carme alendaba ñerviosa. Too paecía tan normal, tan ruino, tan italiano. Pero’l Campillín siguía ehí, na so mente; lo mesmo que l’españíu de...

Lleer más >> << Participar >>

Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |