|
Nacimientu: 1882 - Mieres
Defunción: ??-??-???? - ?
Naz en Mieres en 1882. Los sos estudios de Segunda Enseñanza foron realizaos nel Colexu de San Isidoro de Madrid. La so vocación lliteraria vien d’estos años nos que, cola ayuda d’una multicopista manual, imprimió un periódicu tituláu “Las vacaciones”. Llicencióse en 1904 como abogáu pola Universidá d’Uviéu, continuando cola yá afitada vocación periodística, publicando trabayos en periódicos como “El Progreso de Asturias”, al empar que collaboraba cola Extención Universitaria. Concluida la carrera comenzó a exercer na so villa de nacencia y a lluchar a favor de la elevación del nivel cultural de la ciudá fundando la Universidá Popular y dempués el colexu Liceo Mierense. Presidió la xuventú republicana y organizó en Mieres la conxunción republicano-socialista. El so llabor como periodista quedó plasmáu nos últimos años na fundación y dirección del periódico “La Voz del Pueblo”, así como poles collaboraciones nos periódicos madrileños “El Liberal” y “El País”, dende los que contribuyó a difundir les idees lliberales y republicanes.
|
LA CITA:
"Oxalá morriéremos como quien nun vivió, / qu'un soplíu nos borrare l'arena de los llabios, / ensin buelgues y ensin fumu, apagando la lluz." José Luis Piquero
