LLITERATU PORTADA
LA CITA: "Tienes la mesma edá que yo tenía / cuando empezaba a suañar n'encontrate. / Nun sabía tovía, igual que tu / nun lo aprendisti tovía, que dalgún día / l'amor ye esta arma cargada / de soledá y de melancolía / qu'agora ta apuntándote dende los mios güeyos." Joan Margarit
Accesu Rápidu
EDICIÓN 13
05 de payares de 2007
Novedaes lliteraries del añu 2007
Autores Asturianos
Bances Conde, Juan
Biografía

Alias :  Nauj / Pepe García / Juan Bances Menéndez Conde
Nacimientu:  1863 - Pravia
Defunción:  19?? - ?

Abogáu y escritor nacíu en Pravia en 1863.

Estudió Drechu na Universidá d’Uviéu na qu’algamó la llicenciatura y, dos años más tarde’l grau de doctor na Universidá de Madrid.

No que cinca a la so actividá lliterario, entamó andechando en delles publicaciones asturianes como “El Nalón”, de Pravia, “Revista de Asturias” y “El Eco de Asturias” d’Uviéu.

Foi un de los cronistes de más prestixu de les revistes “La Correspondencia de España” y “Revista de España” de Madrid, y “El Carbayón” d’Uviéu.

En 1903 coló pa Cuba onde trabayó como direutivu de banca al mesmu tiempu que desendolcó’l cargu de presidente del Centru Asturianu de L’Habana.

En 1914 tornó pa Madrid, onde s’asitió apartáu de la vida público.

Nos caberos años fexo delles collaboraciones pal periódicu uvieín “El Carbayón” baxo l’alcuñu de “Pepe García”.

<< Listáu de Autores

<< Tornar al Entamu


La Historia Interminable
11 de setiembre de 2007
Capítulu V
Nicolás V. Bardio

De sutrucu daquién picó a la puerta nun cuartu cercanu. Un ruíu de guah.es llorando y les voces d’una madre rompieron la tranquilidá d’un aire que Carme alendaba ñerviosa. Too paecía tan normal, tan ruino, tan italiano. Pero’l Campillín siguía ehí, na so mente; lo mesmo que l’españíu de...

Lleer más >> << Participar >>


El Reportaxe
05 de payares de 2007
Añu intensu pal sector editorial asturianu

Nuna industria que suel ser abondo estática como ye la del sector editorial, esti añu ta siendo un añu de munchu movimientu y del entamu de nueves iniciatives. Nel casu de les editoriales Ámbitu y Trabe, l’añu entamaba con nueves actividaes, entrando dambes dos nel negociu audivisual al traviés de la producción de programes pa la TPA. La primera produz Pieces y Camín de cantares y la segunda dellos espacios dientro del programa Con dos de azucar, que más tarde van convertise nun programa diariu independiente: Al Aldu. Por embargu, la llegada al cargu de Directora Xeneral de Cultura y Política Llingüística diba facer que’l dueñu d’Ediciones Trabe vendiera la so empresa editorial al empresariu Inaciu Iglesias, ún de los accionistes principales d’Ámbitu.
Redacción./I.G.

Lleer más >>

Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |