LLITERATU PORTADA
LA CITA: "La envidia ye una declaración d'inferioridá." Napoleón Bonaparte
Accesu Rápidu
EDICIÓN 13
05 de payares de 2007
Novedaes lliteraries del añu 2007
Autores Asturianos
Bellmunt y Traver, Octavio
Biografía

Nacimientu:  1845 - Avilés
Defunción:  1910 - Xixón / Gijón

Mélicu, escritor y músicu avilesín nacíu en 1854.

Estudió’l bachilleratu nel Istitutu d’Uviéu dende onde se treslladó a la Facultá de Melicina de Madrid y dempués a la de Barcelona, onde finalizó la carrera.

Pasó entonces a exercer la profesión a Xixón en 1869.

Los viaxes d’estudios realizaos pel estranxeru, los trabayos profesionales presentaos a l’Academia Melicina de Madrid, y, sobre manera, la so participación n’estudios científicos ficiéronlu algamar una sonadía xusta na so profesión.

Amás de la so dedicación como mélicu desendolcó una estensa actividá nel campu de la música, l’arqueoloxía y les belles artes.

Na so faza d’escritor la obra principal ye la pervaloratible “Asturias: su historia y monumentos, bellezas y recuerdos, costumbres y tradiciones”, escrita a comuña con otros autores asturianos y dirixida al empar con Fermín Canella y Secades; trátase d’una serie de monografíes de los conceyos de la provincia y d’otros trabayos, muncho illustrados, que costitúin una de les obres más importantes de la bibliografía asturiana.

Foi profesor durante dellos años del Istitutu Xovellanos de Xixón, al empar que presidente del Casín de Xixón y otros centros privaos.

Formó parte de la Sociedá Antropolóxica de Madrid, del Istitutu Mélicu de Barcelona y de l’Academia de Melicina Pública y Hixene Profesional de París. Recibió distinciones de l’Academia de la Historia, de la Real de Belles Artes de San Fernando y de la de Melicina.

Muerre en 1910 en Xixón, onde tien dedicao una cai.

<< Listáu de Autores

<< Tornar al Entamu


El Personaxe
05 de payares de 2007
XIX SELMANA DE LES LLETRES ASTURIANES
Consuelo Vega, Directora Xeneral de Cultura y Política Llingüística, dio anuncia estes selmanes atrás de la tema de la próxima Selmana de les Lletres Asturianes, la festividá institucional de les nueses lletres, que vuelve cola alcordanza y l’estudiu de la obra d'un autor, nesti casu, de la escritora Mª Teresa González. A la que dedicamos un pequeñu repás biográficu.
Fuente: Redacción.

Lleer más >>


Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |