LLITERATU PORTADA
LA CITA: "Toos somos 'poetes de transición', / la poesía nunca queda quieta." José Emilio Pacheco
Accesu Rápidu
EDICIÓN 14
26 d'ochobre de 2007
II Conceyu Internacional de Lliteratura Asturiana
Autores Asturianos
Canel, Eva
Biografía

Alias :  Ibo Maza / Clara Mont / Agar Eva Infanzón y Canel / Fray Jacoba / Beata de Jaruco / Julia
Nacimientu:  30-I-1857 - Cuaña / Coaña
Defunción:  2-V-1932 - La Habana (Cuba)

Escritora nacida en Cuaña en 1857 y muerta en La Habana en 1932.

Muertu’l pá nun accidente marítimu, marcha con so ma a vivir a Madrid cuando contaba con tres años.

A los quince años dedicóse al teatru, actividá na que conoz al escritor Eloy Perillán Buxó col que dos años más tarde contrái matrimoniu; esti fechu va ponela en contautu cola profesión periodística sustituyendo al home, durante la so ausencia, al frente del periódicu de “La Broma”.

Hacia 1874 treslládase a América onde, xunta l’home funda periódicos en Buenos Aires, La Paz y Lima.

En 1889, fecha na que queda vilba, regresa a España, asitiándose en Barcelona onde diba collaborar en “La Ilustración artística”, el diariu madrileñu “El Día” y varies publicaciones hispanoamericanes.

En 1891 marcha pa La Habana y el “Diario de la Marina” va nomala enviada especial na Esposición Universal de Chicago.

A finales d’esti mesmu añu funda na capital cubana’l selmanariu “La Cotorra”.

Durante la Guerra de Cuba adouta una posición militante a favor de la causa española, desendolcando’l cargu de secretaria de la “Cruz Roja” y fundando delles instituciones benéfiques.

Acabada la Guerra, recuerre cásique toa América Llatina, dando conferencies a favor de la causa de la Hispanidá y de los valores tradicionales d’España.

Durante esta época de conferenciante nun abandona’l llabor lliterariu y les sos espublizaciones na prensa hispanoamericana.

En 1921 Benedicto XV condecórala cola “Croce Pro Eclesia et Pontifice” y en 1929 la Sociedá Xeográfica, de Madrid, nomala miembru correspondiente.

Esti mesmu añu’l gobiernu español concéde-y el Llazu de la Orde d’Isabel la Católica y la medalla d’Oru d’Ultramar.

Dexó una bayura de obres publicaes.

<< Listáu de Autores

<< Tornar al Entamu



Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |