LLITERATU PORTADA
LA CITA: "El dolor ye inevitable pero'l sufrimientu ye opcional". Sidhartha Gautama Buda
Accesu Rápidu
EDICIÓN 14
26 d'ochobre de 2007
II Conceyu Internacional de Lliteratura Asturiana
Autores Asturianos
Caso, José Indalecio de
Biografía

Nacimientu:  1830 - Uviéu / Oviedo
Defunción:  1903 - París

Escritor, economista y políticu nacíu n’Uviéu en 1830.

Estudió Lleis na Universidá d’Uviéu al empar que daba clases particulares pa poder pagar la carrera.

Dempués de 1854, data na qu’algamó la llicenciatura, exerció l’abogacía y foi catedráticu d’institutu.

Dende mozu andechó en periódicos llocales como “El Nalón”, “La Tradición”, “El Invierno”, “El Album de Juventud” y otres publicaciones asturianes.

En 1855 foi un de los fundadores de l’Academia Científica y Lliteraria, tamién nomada Atenéu d’Uviéu, onde s’anició como polemista políticu discutiendo con Pedregal y Cañedo y otros socios de idees lliberales.

Foi perbién afayáu’l so cartafueyu “Pueblo soberano y súbdito” que-y abrió les puertes del diariu carlista madrilanu “La Esperanza” nel que collaboró dende 1856.

Poco dempués nomáronlu redautor-xefe d’esti periódicu.

En 1860 asoleyó’l cartafueyu “El Trono y los carlistas”.

De mozu escribió tamién dellos drames y comedies que nun llegó estrenar nin asoleyar.

Namái, en 1850, a los venti años, estrenó n’Uviéu la zarzuela “La Bruja” con música de José Argüelles.

Dedicóse tamién al estudiu de la economía y la socioloxía, estudios pa los qu’alcontró un bon gabitu na so conocencia de les llingues alemana, inglesa y francesa.

En 1859 espublizó una “Guía legislativa” na que recoyió tola llexislación española dende 1810.

Foi collaciu del xeneral carlista Ramón Cabrera, esiliáu n’Inglaterra, y llegó a desendolcar la so representación y secretaría n’España cuando Cabrera algamó la xefatura dempués de la revolución de 1868.

En 1873 foi presidente de la comisión formada pol orador y sociólogu carlista Vicente Manterola, l’escritor Julio Nombela y elli mesmu, pa desendolcar un plan socio-económicu que presentaron al gobiernu d’Estella en 1874.

Dempués de la guerra vivió dellos años nel estranxeru hasta morrer, tan probe como al nacer, en París en 1903.

<< Listáu de Autores

<< Tornar al Entamu


El Personaxe
26 d'ochobre de 2007
ANA CANO: La Presidenta de l'Academia de la Llingua Asturiana
Ana María Cano González ñació’l 12 de mayu de 1950 en Vil.larín, nel conceyu de Somiedu. Ye mayestra d’Enseñanza Primario, llicenciada en Filosofía y Lletres pola Universidá d’Uviéu (1972) y, dende 1975, doctora en Filosofía y Lletres (seición de Filoloxía Románica) con sobresaliente cum laudem.
Fuente: Lliteratu/I.G.

Lleer más >>


Poemes
¿ú?
26 d'ochobre de 2007
Unviáu por: Xabel de Cea
Lleer poema >> << Participar >>
Ensin títulu
26 d'ochobre de 2007
Unviáu por: Xabel de Cea
Lleer poema >> << Participar >>
Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |