|
Nacimientu: 1867 - Avilés
Defunción: 19?? - ?
Contralmirante de l’Armada, inxenieru y astrónomu nacíu n’Avilés en 1867. Entró n’Armada en 1882 y seis años dempués algamó’l gráu d’oficial. Pasó darréu a la Escuela d’Inxenieros Hidrográficos de San Fernando (Cádiz), onde llogró’l títulu d’inxenieru en 1895. Foi profesor d’Astronomía na Escuela Naval Militar, y, en 1903, nomáronlu subdireutor del Observatoriu Astronómicu de San Fernando, centru nel que algamará’l cargu de direutor en 1921. En 1933, retiróse a la fin de l’Armada col gráu de contralmirante.
Tocante la so obra, revisó y fexo les cartes hidrográfiques de dalgunes provincies marítimes españoles, ente elles un percompletu “Atlas” de les islles Baleares. Asina mesmo, asoleyó dellos trabayos científicos en revistes españoles y foranes.
|
LA CITA:
"Nun quiero de ti otra cosa qu'amor; / fuera d'él nun te pido nada. / Si lo consigo, tola Tierra y la Humanidá / van ser pa mi como motes de polvu y los habitantes del país, insectos." Ibn Hazm de Córdoba
