|
Nacimientu: 18-VII-1850 - Les Arriondes / Arriondas (Parres)
Defunción: ??-??-1913 - ?
Naz en Les Arriondes el 18 de xunetu de 1850 y muerre en México nel añu 1913. A la edá de diez años treslládase colos pas a Madrid onde escomienza la profesión de tipógrafu. Abandona esti oficiu pol de profesor ausilar de Xinasia. En 1868 establez por cuenta propia un xinasiu en Valladolid y más tarde otru en Santander. Torna a Valladolid onde istala’l so propiu xinasiu y comieza esti llabor didáuticu collaborando na prensa y espublizandol traáu “Gimnástica escolar”. En 1886 como resultáu de les sos campañes periodístiques créase en Madrid la Escuela Central de Xinasia siendo nomáu miembru de la Comisión destinada a redactar el plan d’estudios y el so reglamentu. Al empar concédese-y una cátedra vitalicia. Continúa les collaboraciones escribiendo en prosa y en versu nos periódicos madrilanos: “La Época”, “El Demócrata”, “El País”, “La Revista de Sanidad”, “El Comercio Español” y otros. Tamién ostenta la dirección de la revista “Gimnasio”. Treslládase a México llogrando que’l Gobiernu Mexicanu acepte’l proyectu pa espardir la cultura física y crea’l Xinasiu Nacional de la capital azteca, siendo él mesmu’l so direutor. En 1888 funda la revista Mensual Sport Mexicano, la primera nel so xéneru de la que ye direutor. En nengún mometu dexa de collaborar na prensa madrilana y n’”El Carbayón” d’Uviéu. En 1889 regresa a España ya istálase en Madrid abriendo l’Academia Peninsular. Espubliza tres llibros sobre costumes y modismos mexicanos. Regresa a México otra vuelta pa dirixir ellí’l diariu “El Correo Español”. Na capital mexicana dedícase al teatru algamando unos de los ésitos como comediógrafu. Viaxa por EE. XX. y delles repúbliques d’Hispanoamérica, escribiendo delles cróniques de los viaxes.
|
LA CITA:
"La llibertá, como l’amor, nun nació inda quien los frenara." Pablo Antón Marín Estrada
