LLITERATU PORTADA
LA CITA: "Güei, xunto a los templos de los dioses, / miro cayer en tierra'l negru cielu / y siento que ye la mio vida la qu'aturde a la muerte." Francisco Brines
Accesu Rápidu
EDICIÓN 13
05 de payares de 2007
Novedaes lliteraries del añu 2007
Autores Asturianos
Burgos Pascual, Julián
Biografía

Nacimientu:  1-IV-1926 - Mieres

Poeta, escritor y estudiosu del asturianu, nacíu en Mieres el 1 d’abril de 1926.

Ye peritu y profesor mercantil pola Escuela de Comerciu d’Uviéu, intendente mercantil pola Escuela d’Altos Estudios Mercantiles de Bilbao y axente de la propiedá inmobiliario.

Algamó dellos premios en concursos lliterarios n’asturianu, de los que donó l’importe a entidaes culturales y benéfiques.

Ente les sos obres tan “Conseyes”, na que recueye 200 fábules de tou’l mundu, “Afayu del Nueu Mundiu”, “Hailos”, siete tomos con alredor de 2000 monólogos y chistes, “Personajes populares asturianos” y “Refranero”.

En castellanu “Cuasicuentos”, “Ensayos”, “Entreoídas”, “Refranero”, “Observaciones”.

Asina mesmu asoleyó numberosos artículos en revistes como “Asturias 7”, “Temas de Asturias”, “Hulla”, “Asturias”, etc.

Delles de les sos composiciones n’asturianu apaecieron nos discos de monologuistes asturianos.

En 1985 nomáronlu “Mierense del año”.

<< Listáu de Autores

<< Tornar al Entamu


El Reportaxe
05 de payares de 2007
Añu intensu pal sector editorial asturianu

Nuna industria que suel ser abondo estática como ye la del sector editorial, esti añu ta siendo un añu de munchu movimientu y del entamu de nueves iniciatives. Nel casu de les editoriales Ámbitu y Trabe, l’añu entamaba con nueves actividaes, entrando dambes dos nel negociu audivisual al traviés de la producción de programes pa la TPA. La primera produz Pieces y Camín de cantares y la segunda dellos espacios dientro del programa Con dos de azucar, que más tarde van convertise nun programa diariu independiente: Al Aldu. Por embargu, la llegada al cargu de Directora Xeneral de Cultura y Política Llingüística diba facer que’l dueñu d’Ediciones Trabe vendiera la so empresa editorial al empresariu Inaciu Iglesias, ún de los accionistes principales d’Ámbitu.
Redacción./I.G.

Lleer más >>


Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |