LLITERATU PORTADA
LA CITA: "Voi enseñate dalgo diferente / De la to sombra que marcha a zancaes contigo pela mañana, / 0 de la to sombra, incorporándose al ocasu pa dir al to encuentru; / Voi enseñate lo que ye'l mieu nun puñáu de polvu." T.S. Eliot
Accesu Rápidu
EDICIÓN 11
18 d'ochobre de 2007
Asturies de premiu
Autores Asturianos
Cifuentes y Fernández, Julián
Biografía

Nacimientu:  7-I-1865 - Xixón / Gijón
Defunción:  5-X-1927 - Madrid

Negociante nacíu en Xixón el 7 xineru de 1865.

Empleáu dende mozu nun establecimientu comercial algama una gran esperiencia nes finances consiguiendo los títulos de profesor mercantil y abogáu na Escuela de Comerciu de Bilbao y na Universidá d’Uviéu, respectivamente.

Nel añu 1899 foi encargáu de la organización del Bancu de Xixón —nel que se—y confier la dirección de la contabilidá asina como’l cargu d’apoderáu—, que xurdía en sustitución de la Casa de Banca de Florencio Rodríguez; poco dempués redactó un folletu “Apuntes sobre el ahorro”, que divulgaba les ventaxes d’esti.

Al empar d’estes xeres, tuvo al so cargu la desplicación de varies asignatures na Escuela de Comercio del so pueblu de nacencia.

Fallecíu’l señor Rodríguez, pasó a ocupar el puestu de director del citáu bancu que simultaneó col de conseyeru de delles compañíes, ente elles: Tranvíes de Xixón, Popular de Gas y Lletricidá, Asturiana d’Artes Gráfiques, La Estrella S.A. de Seguros y Banco Herrero de Madrid, del que foi promotor.

En 1914 treslládase a Madrid pa facese responsable del Banco Hispanoamericanu dende onde, al términu de la Primera Guerra Mundial promueve un conveniu ente la banca francesa y la española col enfotu de regular les relacciones económiques ente dambos países, llabor pol que mereció ser distinguíu pol presidente de la nación vecina cola Condecoración de Caballeru de la Orde Nacional de la Lexón d’honor.

Dempués desendolcó dellos puestos en varies entidaes ente elles: Ferrocarriles de Madrid—Zaragoza—Alicante, Unión Eléctrica Madrileña, Conseyu Superior Bancariu, Xuráu Central d’Utilidaes, Cámara de Compensación Bancaria de Madrid, Compañía Telefónica Nacional, Bancu de Créditu industrial, Standard Eléctrica, Ferrocarril Santander—Mediterráneo y Sociedá Española de Costrucción Naval.

Algama’l cume de la so carrera col nomamientu de miembru de l’Asamblea Nacional, istaurada pola Dictadura del Xeneral Primo de Rivera.

Muerre en Madrid el 5 d’ochobre de 1927.

<< Listáu de Autores

<< Tornar al Entamu



El Reportaxe
19 d'ochobre de 2007
Un premiu que vien a enllenar un espaciu cuasi vaciu: Premiu Asturnews de Lliteratura Infantil y Xuvenil

La empresa editora d’Asturnews.com, Asturnet, y p’ayudar al espardimientu de la lliteratura infantil y xuvenil n’Astuires, convocó esti añu’l primer Premiu ‘Asturnews’ de Lliteratura Infantil y Xuvenil cola ayuda de la Conseyería de Cultura del Principáu d'Asturies. Al concursu lliterariu pueden presentase toles persones interesaes, soles o en grupu, ensin llímite d’edá, con obres curties de lliteratura infantil y xuvenil en llingua asturiana, yá seyan noveles, recopilaciones de cuentos, poemes o obres de teatru. Una iniciativa qu'ufre un nuevu espaciu pa la lliteratura asturiana.


Redacción./Asturnews

Lleer más >>

Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |