LLITERATU PORTADA
LA CITA: "Agora que yá nun somos nenos / ye triste otra vuelta deprender / el mieu, el silenciu vieyu / y aquella zrezal onde esguilemos tantes veces." Esther Prieto
Accesu Rápidu
EDICIÓN 11
18 d'ochobre de 2007
Asturies de premiu
Autores Asturianos
Cifuentes Requejo, Antonio
Biografía

Nacimientu:  25-I-1860 - Samiguel / San Miguel (L.lena / Lena)
Defunción:  25-VIII-1935 - L.lena / Lena

Naz en Samiguel del Río (L.lena) el 25 de xineru de 1860 y muerre’l 25 d’agostu de 1935 en L.lena.

Tres de realizar los estudios primarios en Campumanes, ingresa como obreru manual na fábrica d’armes d’Uviéu.

Alterna’l trabayu colos estudios que sigue na Escuela d’Artes y Oficios convirtiéndose pronto en profesor de la mesma; en 1894 algama’l títulu de capataz de mines.

Poco dempués funda una academia pa preparación al ingresu na Escuela de Mines de Mieres; al empar a les actividaes docentes, algama la cátedra de la escuela d’Artes y oficios de La Felguera.

Inxérese dempués como técnicu na empresa Unión Hullera Metalúrxica d’Asturies, al serviciu de la qu’ellabora abondosos trabayos, ente los que destaca un estudiu pa la istalación de los primeros llavaderos mecánicos de carbón; el proyectu preséntase na Esposición Nacional de Barcelona, y más tarde na rexonal de Xixón, onde ye premiáu cola Medalla d’Oru.

Colos escosos y penosos medios a la so mano, entrégase al llabor d’”optimización” de les capes carboníferes y llocalización de paquetes y reserves hulleres de la rexón; culmina la so difícil empresa cola confección del primer “Atlas Estatigráfico de Asturias” consideráu dempués como modelu ente los de la so clas.

El Marqués de Comillas ve n’él al especialista clave pa los trabayos de prospección y calicatéu nel importante focu mineru d’Ayer ya incorpóralu a la so plantilla.

Cifuentes entrégase materialmente a la so misión investigadora, prepara un ampliu programa pa la perforación de pozos y redacta un interesante proyectu pa la esplotación de la capa de Valdeposadas.

Momentáneamente treslládase a Murcia comisionáu pa realizar ellí la planificación de la cuenca carbonífera d’Espuña, conservándose la documentación recogida por él en el Museo del Instituto Geológico y Minero de España.

Regresa a Ayer para acometer el proyecto de extracción de mineral en la cuenca de Caborana, estudio este que Ignacio Patac calificó de trescendental y qu’habría de servir de referencia pa señalar la posición de sondeos y reconocimientu interior con resultaos de gran alcance técnicu y precisión; trátase d’un verdaderu prototipu d’estudiu orixinal indicador de la pauta qu’habíen de siguir los que yá por entóncenes se requeríen na cuenca central d’Asturies.

Descubrió los yacimientos de la zona de Bello para la mina de Carinsa.

Además de los trabayos citaos, ye autor d’una modesta obra titulada “Historia de la Tierra, Aparición del Hombre y Fin de la Creación, según la Ciencia”, editada por J. Bárcena Sordo.

<< Listáu de Autores

<< Tornar al Entamu


La Historia Interminable
11 de setiembre de 2007
Capítulu V
Nicolás V. Bardio

De sutrucu daquién picó a la puerta nun cuartu cercanu. Un ruíu de guah.es llorando y les voces d’una madre rompieron la tranquilidá d’un aire que Carme alendaba ñerviosa. Too paecía tan normal, tan ruino, tan italiano. Pero’l Campillín siguía ehí, na so mente; lo mesmo que l’españíu de...

Lleer más >> << Participar >>


Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |