LLITERATU PORTADA
LA CITA: "La tarde como una fruta que pelaste p'alcontrar que taba podre'l so corazón." Héctor Blanco
Accesu Rápidu
EDICIÓN 11
18 d'ochobre de 2007
Asturies de premiu
Autores Asturianos
Berros, Xulio
Biografía

Nacimientu:  ??-??-1963 - Sotrondiu / Sotrondio (Samartín del Rei Aureliu / San Martín del Rey Aurelio)
Defunción:  ... - ...

Naz en Sotrondiu (Samartín del Rei Aureliu) en 1963.

Ye profesor d’enseñanza primaria ya impartió dellos años clases de Llingua Asturiana en dellos colexos de Xixón. Como escritor trabaya principalmente nel campu de la lliteratura infantil y xuvenil y nesta xera Xulio Berros intenta averase a la realidá cotidiana de la xente mozo, a los sos esmolecimientos, y poro, nes sos hestories nun debemos dir a la gueta de personaxes fantásticos nin d’escenarios irreales. Hasta la fecha tien publicaos cinco llibros: Lo mío cómu ye (1994), Maxa de branu (1996), Fuera de xuegu (1998), Toya (1998) y La triba de Xinés (1998).

Con motivu de la publicación de la so primer obra en 1994 declaraba a los posibles llectores que con esti llibru pretendía "namás que pueas pasar dalgún momentu bonu cola llectura y si amás te suena dalguna de les situaciones qu’apaecen, meyor que meyor".

Esa declaración ye bien representativa del so mou de facer, que caltién siempre los pies bien llantaos nel mundu real y cotidianu que viven los rapazos d´anguañu. Xulio Berros tien publicao tamién un relatu nel númberu 2 de la revista Sietestrellu, col qu’algamó’l II Premiu de Cuentos de Riaño-Llangréu de títulu: “Los Güeyos del Yanqui”, y participó nel volume colectivu Cinco años de lliteratura asturiana, d’Editora del Norte, col cuentu curtiu tituláu “Empataos”. N’otru orde collaboró col artículu “Tamagochu” nel Primer númberu de la Revista Pedagóxica “Educación Zona Oeste de Xixón” (1998). Tamién tien espublizáu otru relatu curtiu de títulu “Pésame” nel númberu especial de “Les Noticies” asoleyáu con motivu de la Selmana de les Lletres Asturianes de 1999. N’andecha cola profesora y escritora Mª Teresa González Iglesias, fexo’l material dáuticu espublizáu pol Gobiernu del Principáu d’Asturies.

“Antón de Marirreguera na escuela” (2000). Intervieno nel I Conceyu Internacional de Lliteratura Asturiana cola comunicación: “La Lliteratura Infantil y xuvenil n’asturianu: un averamientu”

<< Listáu de Autores

<< Tornar al Entamu



Poemes
El pinu y el carbayu
18 d'ochobre de 2007
Unviáu por: Alejandra Sirvent
Lleer poema >> << Participar >>
Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |