LLITERATU PORTADA
LA CITA: "Tu, pálida, escondida, / yo como énte una puerta / énte'l to pechu fríu." Manuel Altolaguirre
Accesu Rápidu
EDICIÓN 13
05 de payares de 2007
Novedaes lliteraries del añu 2007
Autores Asturianos
Bande Guerra, Ramón Lluis
Biografía

Nacimientu:  1972 - Xixón / Gijón

Nació en Xixón en 1972.

Diose a conocer en 1993 col llibru de poemes “Patries, palabres d’amor”, un conxuntu breve de versos de reivindicación nacionalista y d’amor.

Dos años depués publica “Xixón Sound”, un reportaxe sobre grupos de rock de la villa de Xovellanos, pol que–y va conceder el Premiu d’Ensayu 1995 l’Asociación Escritores y Traductores en Llingua Asturiana (ETLLA).

En 1997 da a estampa la so primer novela: “Verdá o consecuencia”, un relatu realista de la infancia y primer adolescencia d’un neñu na periferia xixonesa de los años setenta.

Esi mesmu añu da a imprenta, coincidiendo col so estrenu nel Teatru Xovellanos, la pieza teatral “Aurelia”, escrita sobre testos de Marguerite Duras.

Na mesma llinia publica en 1999 “De la vida de les piedres”.

Ramón Lluis Bande collabora en revistes como “Zimbru” o “Reloj de Arena” y ye redactor del semanariu “Les Noticies”.

Na seronda de 1997 entama’l rodaxe de la versión televisiva del so relatu “Verdá o consecuencia”.

Tamién ye autor del guion pal comic “Mary Jean” del dibuxante Sayar.

Coordinó l’antoloxía “Muestra de nuevos narradores” (1997) de la Conseyería de Cultura. Como traductor fexo, en collaboración con Irene Riera, la versión al asturiano de “Simbad el Marín” y treslladó dellos poemes del norteamericanu Dennis Hopper.

Fue cantante del grupu de rock radical Puxarra y escribió lletres pa otres bandes como Dixebra y Manta Ray.

<< Listáu de Autores

<< Tornar al Entamu


Poemes
El duelgu de to enfadu
05 de payares de 2007
Unviáu por: José Ángel Gayol
Lleer poema >> << Participar >>
El to nome
05 de payares de 2007
Unviáu por: Henrique Facuriella
Lleer poema >> << Participar >>

El Reportaxe
05 de payares de 2007
Añu intensu pal sector editorial asturianu

Nuna industria que suel ser abondo estática como ye la del sector editorial, esti añu ta siendo un añu de munchu movimientu y del entamu de nueves iniciatives. Nel casu de les editoriales Ámbitu y Trabe, l’añu entamaba con nueves actividaes, entrando dambes dos nel negociu audivisual al traviés de la producción de programes pa la TPA. La primera produz Pieces y Camín de cantares y la segunda dellos espacios dientro del programa Con dos de azucar, que más tarde van convertise nun programa diariu independiente: Al Aldu. Por embargu, la llegada al cargu de Directora Xeneral de Cultura y Política Llingüística diba facer que’l dueñu d’Ediciones Trabe vendiera la so empresa editorial al empresariu Inaciu Iglesias, ún de los accionistes principales d’Ámbitu.
Redacción./I.G.

Lleer más >>

Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |