LLITERATU PORTADA
LA CITA: "Ellí onde tea, soi un pedazu del paisaxe de la mio patria" Fatos Arapi
Accesu Rápidu
EDICIÓN 14
26 d'ochobre de 2007
II Conceyu Internacional de Lliteratura Asturiana
Autores Asturianos
Canel Acevedo, Pedro
Biografía

Alias :  Eliseo Barcineo / Pedro Díaz Canel Lastra Acevedo
Nacimientu:  1-XI-1763 - Orto, Prelo (Bual / Boal)
Defunción:  12-VIII-1840 - Salave (Tapia / Tapia de Casariego)

Naz n’Orto (Bual) en payares de 1763 nel noyu d’una familia de noble llinax.Estudia p’abogáu n’Uviéu, algamando la llicenciatura en 1788.

El añu 1803 foi sodelegáu de Montes nel conceyu de Cuaña.

Al añu viniente, viaxa Méxicu.

En 1805, de la que torna a España, asalten el barcu nel que viaxaba los ingleses y llévenlu prisioneru pa Inglaterra dellos meses.

Faese de la Sociedá Económica d’Amigos del País d’Uviéu nel añu 1807 y un añu dempués, durante la invasión francesa, la Xunta Xeneral del Principáu nómalu comandante de les fuerces militares de Navia.

No cabero d’esi añu va a Madrid y Sevilla con ocasión de la Xunta Central.

En 1810 ye nomáu Capitán d’Alarmes del Principáu, cargu col que tornó p’Asturies.

Al reistalase’l réxime absolutista del Fernando VII (1814), asitiase en Cuaña, onde dio en investigar nes escavaciones arqueolóxiques, polo que diba ser nomáu, nel añu 1818 académicu correspondiente de l’Academia de la Historia.

Ye nestes feches cuando entama a tener problemes cola Inquisición, que calificaba d’herexética ya impía la so obra, pero la Costitución de 1820 que restituyó’l lliberalismu había de salvalu.

Nesi mesmu añu inxérese n’Asociación Consitucional de Patriotas Honraos d’Asturies, d’Uviéu.

Al volver a llantase otra vuelta’l réxime absolutista de Fernando VII (1823), retírase a les sos posesiones de Cuaña.

Treslladáu nos últimos tiempos de la so vida a Salave, muerre ellí’l dolce d’agostu de 1840.

<< Listáu de Autores

<< Tornar al Entamu


El Personaxe
26 d'ochobre de 2007
ANA CANO: La Presidenta de l'Academia de la Llingua Asturiana
Ana María Cano González ñació’l 12 de mayu de 1950 en Vil.larín, nel conceyu de Somiedu. Ye mayestra d’Enseñanza Primario, llicenciada en Filosofía y Lletres pola Universidá d’Uviéu (1972) y, dende 1975, doctora en Filosofía y Lletres (seición de Filoloxía Románica) con sobresaliente cum laudem.
Fuente: Lliteratu/I.G.

Lleer más >>


La Historia Interminable
11 de setiembre de 2007
Capítulu V
Nicolás V. Bardio

De sutrucu daquién picó a la puerta nun cuartu cercanu. Un ruíu de guah.es llorando y les voces d’una madre rompieron la tranquilidá d’un aire que Carme alendaba ñerviosa. Too paecía tan normal, tan ruino, tan italiano. Pero’l Campillín siguía ehí, na so mente; lo mesmo que l’españíu de...

Lleer más >> << Participar >>

Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |