LLITERATU PORTADA
LA CITA: "Na de mio, l’olor recién y enceso de la to piel escuez como una mancadura." Xabiero Cayarga
Accesu Rápidu
EDICIÓN 11
18 d'ochobre de 2007
Asturies de premiu
Autores Asturianos
Canga Argüelles, Felipe Ignacio
Biografía

Nacimientu:  1-VII-1741 - Uviéu / Oviedo
Defunción:  18?? - Uviéu / Oviedo

Naz n’Uviéu, nel noyu d’una familia de fidalguía’l primeru de xunetu de 1741.

Estudió Lleis na Universidá d’esa mesma ciudá recibiendo’l títulu de doctor en 1766.Foi abogáu n’Uviéu al empar que facía d’interín nes cátedres de Víspores, Rexencia y Prima na Universidá y na enseñanza privada.

Lletráu notable de l’Audiencia, tamién con calter d’interín tuvo al so cargu la Fiscalía dende agostu de 1772 fasta abril de 1773, y en 1775 foi ún de los fundadores del Colexu d’Abogaos.

Foi tamién asesor del Obispáu, consultor de la Xunta Xeneral del Principáu, redactor de les ordenances de la mesma, procurador xeneral noble y xuez primeru d’Uviéu.

Con nomamientu de fiscal va a ser treslladáu a l’Audiencia de Zaragoza, onde firmó un Dictamen Fiscal con data de 11 de marzu de 1787, pentemedies del que diba perder les amistaes col cleru y con dellos lletraos de l’Audiencia zaragozana, polo qu’esi mesmu añu tornó a Uviéu, al so bufé y a la universidá na que siguió d’interín fasta que en 1796 gana per oposición la cátedra de Cánones, encargándo-y la redaición d’un plan d’estudios.

Dos años dempués sedrá nomáu Fiscal del Consejo de Castilla y treslladase a Madrid onde diba vivir dalgún tiempu.

Pasó los caberos años n’Uviéu, onde morrió.

<< Listáu de Autores

<< Tornar al Entamu


El Personaxe
18 d'ochobre de 2007
Xosé Antón García: Diez años ensin él

El poeta Xosé Antón García ñaz en Santa Bárbara, nel conceyu Mieres, nel añu de 1961. Más tarde estudia Filoloxía Románica y Hispánica na Universidá d’Uviéu onde s’interesa y afonda nel estudiu de les llingües clásiques: llatín, griegu y árabe. Agora faense los diez años de la so muerte temprana y Lliteratu quier facé-y esti pequeñu homenaxe.


Fuente: Redacción.

Lleer más >>


Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |