LLITERATU PORTADA
LA CITA: "Difícil alcontrar colos amigos / Cuando tanta xente repite xestos / Iguales toos a un tiempu." Xilberto Llano
Accesu Rápidu
EDICIÓN 14
26 d'ochobre de 2007
II Conceyu Internacional de Lliteratura Asturiana
Autores Asturianos
Casal y Julián, Gaspar
Biografía

Nacimientu:  1679 ~ 1680 - Gerona
Defunción:  10-VIII-1759 - Madrid

Mélicu naturista nacíu nel últimu cuartu del sieglu XVII. Desconozse con toa seguridá la data y el llugar de nacencia, magar que cásique se pue asegurar que foi na parroquia de Santa Susana de Mercadal de Girona en 1680.

Quiciabes pasó los primeros años n’Utrilla (Soria), d’onde yera la ma y onde pue restrexase entá l’asitiamientu de la so familia.

Según él mesmu mos cuenta, en 1707 exerz yá de mélicu hasta 1712 per dellos pueblos de La Alcarria, siendo de destacar la so estancia n’Atienza onde algamó formación química y naturalista so la dirección de Juan Manuel Rodríguez de Luna, díscípulu de José Doncelli, primer boticariu del papa Inocencio IX. En 1713 obtién el grau de bachiller n’Artes pola Universidá de Sigüenza.

Nun hai datos qu’esclarezan el procesu de la so formación como mélicu; dalgunos escritores nieguen que realizare estudios de melicina y dellos otros suponen los cursó na Universidá d’Alcalá d’Henares, masque nes Actes de Graos d’esti centru nun apaeza.

Asina les coses foi emponderáu incluso por Marañón.

En 1713 Casal treslládase a Madrid onde’l so llabor mélicu gozó de gran estimación nos círculos profesionales y científicos.

En 1717, por motivos de salú, decide treslladase a Asturies xunta la muyer, María Ruiz, acompañando a los Duques del Parque, amigos y clientes de so.

Esti cambiu de residencia siénta-y bien.

En 1720 ye nomáu mélicu del municipiu, cargu que desendolcó hasta’l 5 de marzu de 1729 en que ye nomáu mélicu del cabildru de la catedral teniendo al so cargu los hospitales de Santiago, San Juan y Santa María de los Remedios.

La so estancia n’Asturies ye de les más fecundes profesionalmente, destacando’l descubrimientu y descripción del mal de la rosa o la pelagra, de la que diba dar cuenta en 1755 Thiery na Facultá de Melicina de París aportando los datos que recoyere de Casal.

Sauvage diba recoyela tamién nos sos estudios.

Les abondoses xeres como mélicu déxen-y tiempu a los trabayos sobro xeoclimática, flora, fauna y mineraloxía d’Asturies.

En 1723 analiza les agues de Caldes de Priorio, demostrando les sos propiedaes terapéutiques.

Queda vilbu n’Uviéu, casando con María Rodríguez Fernández Arango, lo que va contribuir a xunilu más cola so rexón adoptiva.

En 1751, magar que se sintiese xuncíu a Asturies, torna a Madrid quiciabes animáu por Feijoo.

Ellí ye nomáu’l 24 d’agostu d’esi mesmu añu, mélicu supernumberariu de la Real Cámara, con sueldu anual de sesenta mil reales, cantidá amañosa p’aquella dómina.

El 8 de xineru de 1752 asciende a protomélicu de Castiya y de cutio, como másimu ésitu profesional, ingresa como miembru de númberu na Real Academia de Melicina.

Vilbu otra vegada y yá vieyu, muerre ‘l 10 d’agostu de 1759 na so casa de la cai del Olmo de la capital madrilana siendo enterráu na ilesia de San Sebastián.

<< Listáu de Autores

<< Tornar al Entamu


El Personaxe
26 d'ochobre de 2007
ANA CANO: La Presidenta de l'Academia de la Llingua Asturiana
Ana María Cano González ñació’l 12 de mayu de 1950 en Vil.larín, nel conceyu de Somiedu. Ye mayestra d’Enseñanza Primario, llicenciada en Filosofía y Lletres pola Universidá d’Uviéu (1972) y, dende 1975, doctora en Filosofía y Lletres (seición de Filoloxía Románica) con sobresaliente cum laudem.
Fuente: Lliteratu/I.G.

Lleer más >>


La Historia Interminable
11 de setiembre de 2007
Capítulu V
Nicolás V. Bardio

De sutrucu daquién picó a la puerta nun cuartu cercanu. Un ruíu de guah.es llorando y les voces d’una madre rompieron la tranquilidá d’un aire que Carme alendaba ñerviosa. Too paecía tan normal, tan ruino, tan italiano. Pero’l Campillín siguía ehí, na so mente; lo mesmo que l’españíu de...

Lleer más >> << Participar >>

Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |