LLITERATU PORTADA
LA CITA: "Cuandu ondee l’olvidu las sos prietas banderas, / ¿ónde llevantaremos nuevos templos / pa los nuevos dioses qu’inventemos?" Concha Quintana
Accesu Rápidu
EDICIÓN 14
26 d'ochobre de 2007
II Conceyu Internacional de Lliteratura Asturiana
Autores Asturianos
Castañón, Gonzalo
Biografía

Alias :  Juan Fernández / Redactor 105
Nacimientu:  2-XII-1834 - La Villa (Mieres)
Defunción:  31-I-1870 - Cayo Hueso (Estados Unidos)

Naz en Mieres en 1834 y muerre asesináu en Cayo Hueso (EE. XX) en 1870.

Fíu de pas modestos y medianamente acomodaos, estudió na Universidá d’Uviéu na que se llicenció en lleis (1859).

Gradúase cola tesis “El progreso en la penalidad”, que caltenía y comentaba les últimes tendencies na ciencia del drechu penal.

Esti trabayu espublizóse en volume y foi emponderáu polos críticos daquella.

Dende la universidá amuesa capacidá crítica y de creación.

Funda en 1857 n’Uviéu la revista La Tradición, orientada pa los estudios históricos, literarios y demosóficos, siendo la primer espublización asturiana que trató temes folclóricos específicamente.

Ideolóxicamente encartábase na drecha, na que Castañón militó siempre, magar que tuviere momentos d’averamientu a la Unión liberal o a los movimientos montpensieristes de La Habana.

Durante la so etapa estudiantil uvieína collaboró davezu na so revista “El invierno”.

La sonadía algamada n’Asturies animólu a dir pa Madrid onde vivió del 1860 al 1862.

Na capital atopó abiertes ensiguida les puertes de los periódicos y los cenáculos lliterarios.

Foi redactor d’ “El Día”, onde redactaba la crónica internacional.

Dirixó “La crónica de Ambos Mundos”.

La política de los partíos lliberales diben defraudalu tanto qu’acabó por escribir en 1861 un folletu: “Una ilusión menos; un desengaño más: la Unión Liberal.” Por cuenta d’esta desilusión y les envidies de los círculos lliterarios, vuelve p’Asturies en 1863.

Desendolcó dende entós un llabor periodísticu y políticu, al empar que paez que fue profesor interín de la Universidá.

En 1864 foi diputáu provincial por L.lena, pero la política caciquil y estrencha diba deceicionalu tamién como la de Madrid.

En 1866 foi nomáu lletráu xefe de sección del gobiernu Superior de la Isla de Cuba, con residencia en La Habana.

Pasó dempués a desendolcar la secretaría del gobiernu de la Provincia de Puerto Príncipe y más tarde foi xefe de sección del Bancu Español de Cuba y conseyeru d’istrucción pública de la islla.

Enantes de partir publicara n‘”El Faro” un artículu nel que paecía intuyir lo que-y diba pasar allalantrones.

En Cuba, como en Madrid o n’Asturies, foi un periodista amigu de los discutinios y un defensor radical de los intereses españoles.

En 1869 funda “La Voz de Cuba” pa face-yos frente a los revolucionarios que dieren n’ochobre d’aquel añu’l Gritu de Yara y qu’entamaren una guerra civil, y nel que va escontra los funcionarios venales y les autoridaes llandies que nun s’encaraben a les clares cola situación.

El periódicu y el so suplementu, “La Quincena”, tuvo bona acoyida ente los españoles de la islla.

Esta actitú creó-y enemigos y dende un periódicu “El Republicano”, que los cubanos disidentes editaben en Cayo Hueso (Florida) contestáron-y dañino.Nun esperaba esti otra ocasión y mandó-y un cartel retando al director o a quien fore a un duelu a muerte, marchando pa Cayo Hueso.

El director, José María Reyes, nun quixo batise y Castañón abofeteólu públicamente.

Foi deteníu poles autoridaes que lu multaron a pagar doscientos dólares.

Pagólos y marchó pal hotel, onde lu esperaben cinco paisanos pa matalu a tiros.

Magar que lu atacaren a traición, llogró entá asina dexar fuera de combate a ún.

En La Habana rindiéronse-y honores de xeneral muertu en batalla (Castañón yera oficial d’ún de los batallones de voluntarios de La Habana).

El sucesu y el clima que se xeneró ocuparon bona parte de los periódicos cubanos y americanos.

N’Uviéu dedicóse-y una corona poética como caberu homenax.

<< Listáu de Autores

<< Tornar al Entamu


Poemes
¿ú?
26 d'ochobre de 2007
Unviáu por: Xabel de Cea
Lleer poema >> << Participar >>
Ensin títulu
26 d'ochobre de 2007
Unviáu por: Xabel de Cea
Lleer poema >> << Participar >>

Relatos
Toblerone
26 d'ochobre de 2007
Unviáu por: Pablo X. Suárez
Lleer relatu>> << Participar >>
Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |