|
Nacimientu: 10-III-1866 - Peñerúes / Peñerudes (Morcín)
Defunción: 7-VII-1895 - Formosa (Filipinas)
Dominicu, misioneru en Formosa. Naz en Peñerúes (Morcín) el 10 de marzu de 1866 y metióse nel conventu de los dominicos d’Ocaña’l 6 d’avientu de 1881. Va facer los estudios eclesiásticos nesta ciudá y n’Ávila, al empar de los estudios civiles, y va graduase de bachiller n’artes en Madrid. En 1889 marcha pa Filipines, aportando al añu siguiente a la misión de Formosa. Nel tiempu pequeñu del so llabor misioneru, funda cristiandaes, inicia y organiza la formación de catequistes na islla, ausiliares del misioneru, y convirtió a munchos, a la par que defendía a los cristianos de les burlles y ataques de los que nun lo yeren. Esto paeció-yos mal a les autoridaes civiles y tuvo de salir de Formosa asitiándose na vecina misión d’Emuy, en China, a finales de 1894. En xunu de 1895 tornó a Formosa p’atender a un misioneru afectáu del cólera, que-y pegó a él, morriendo el 7 de xunetu de 1895.
|
LA CITA:
"El pasáu ye un calderu llenu povisa". C. Sandburg
