Nacimientu:  1518 - Villaviciosa ?
Defunción:  1580 - Frenomá (Etiopía)

Esti autor fue caderalgu de Teoloxía y misioneru.

Llegó a patriarca de Etiopía.

Nació nel añu 1518, de casa los Portal, pué qu’en conceyu Villaviciosa.

Estudió na Universidá d’Alcalá, y fue caderalgu de Teoloxía n’ella desde bien rapaz.

Metióse na Compaña de Xuasús que taba fundaa de facía poco y fue muy amigu y confidente del duque de Gandía.

Mandáronlu pa les misiones de Oriente, igual qu’a San Xicu Xabel.

González Posada diz d’elli nes sos Memorias históricas del Principado de Asturias que se portare como los Apóstoles; que tuviere’l don de profecía, munches virtudes en gráu superior; fexo Dios per él munchos milagros, convirtió Reis y reinos a la nuesa santa Fe, fue Obispu de Hierápolis y Patriarca d’Etiopía, tan probe, que pa escribí-y al Rey de Portugal nun topó utru papel que la fueya en blanco del breviariu; pasó munchos trabayos que nun s’espliquen y morrió santamente nel Señor.

Morrió nel añu 1580 en en puiblu de Frenomá, n’Etiopía.

Viviere ellí casi venti años con muncha miseria, peligros pergrandes y persecuciones perdures.

Los que fueren compañeros xesuitas d’él, el cardenal Cienfuegos y el P. Nieremberg, dedicaron-y páxines bibliográfiques con abondos enponderamientos como a ún de los misioneros xesuites más grandes del sieglu XVI. Dexó escrito (en llingua etíope), un llibru que se titula De la primacía de la Iglesia Romana, que yera pa los cismáticos d’Abisinia pa que se fixeren católicos.

Na Biblioteca Oriental, de León Pinelo, feguren otros escritos d’esti asturianu.

<< Listáu de Autores

<< Tornar al Entamu