LLITERATU PORTADA
LA CITA: "Equí les sos manes / perdíes nel incansable dibuxu de lletres / como pequeños estandartes / nel destín nacional de piedra" Méndez Ferrín
Accesu Rápidu
EDICIÓN 14
01 de xineru de 2008
Xunta d'Escritores Asturianos 2008
Autores Asturianos
Palacio y Cabeza, José Antonio
Biografía

Nacimientu:  17?? - Morcín
Defunción:  18?? - ?

Eclesiásticu y escitor nacíu en Morcín a mediaos del sieglu XVIII. Vivió n’Uviéu onde algamó’l cargu d’oidor de la Audiencia.

Foi callóndrigu de la Catedral con dignidá d’arcedianu.

A primeros del sieglu XIX nómenlu auditor del Tribunal de la Rota.

Yera mui célebre como arqueólogu y bibliófilu.

Morrió en 1820.

<< Listáu de Autores

<< Tornar al Entamu



El Personaxe
01 de xineru de 2008
Carlos Rubiera va abrir la Xunta d'Escritores 2008

L'escritor asturianu Carlos Rubiera abrirá la Xunta d'escritores Asturianos Uviéu 2008 esti próximu miércoles 2 de xineru con una conferencia sobre'l compromisu del escritor asturianu más p'allá de lo estético. L'actu tendrá llugar na Biblioteca del Campu San Francisco a partir de les 5'30 la tarde, llueu de la presentación del llibru d'Actes de la Xunta de 2005. Carlos Rubiera Tuya nació’l 2 de febreru de de 1956 en Cabueñes (Xixón) anque al pocu tiempu la familia treslladose a Garvelles, na parroquia xixonesa de Caldones, onde sigue residiendo anguaño. Tres d’estudiar Maxisteriu na Universidá d'Uviéu y Música nos conservatorios d'Uviéu y Xixón, dedicóse profesionalmente a la enseñanza. Anguaño ye profesor de Música y Asturianu nel colexu El Bosquín de L'Entregu. Carlos Rubiera destaca pol so llabor na difusión de la llingua asturiana, non solo como cantante y escritor, sinón tamién como responsable de les clases de bable na Universidá Popular, o presentador de programes nel centru territorial de Televisión Española y na emisora Radio Mar de Xixón. Yá dende mediaos de los años setenta apaez vinculáu a les actividaes de Conceyu Bable de Xixón y collabora na sección en Alitar Asturies del diariu El Comercio. Dellos años más tarde foi ún de los primeros miembros de númberu de l’Academia de la Llingua Asturiana.


Fuente: Redacción.

Lleer más >>

Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |