Nacimientu:  15?? - Tresona / Trasona (Corvera / Corvera de Asturias)
Defunción:  16?? - ?

Cura y escritor del sieglu XVII que llegó a ser cardenal.

Nació en Trasona (Corvera), paez-y a Constantino Suárez que al final del sieglu anterior. Diz tamién que yera fíu de un cura: don Rodrigo Alonso de León, "el Mozo", que fuere callóndrigu en Lleón y Uviéu y que lu tuvo con una muyer soltera de la nobleza, antes de cantar misa.

Diz que -según Senén Álvarez (tomu I de la "Biblioteca Histórico-Genealógica de Asturias- el fíu salió a so pá, que antes de cantala él, tamién-y fexo un neñu a Dominga Calinga, una rapaza de Avilés que taba soltera y yera de la nobleza, igual que so má"). Diz tamién que Rodríguez de León fuere´l cura de Sabugo (Avilés).

Que depués marchó de callóndrigu pa´l arzobispao de Santiago de Compostela y tuvo investíu de los títulos de cardenal y tesoreru de la Inquisición de Galicia. Ye l´autor del "Memorial" impresu que recoyemos na parte "Obra" y que tien que ver col pleitu de si´l patrón de España tien que ser Santiago o Santa Teresa.

Tamién se diz que ye d´él el manuscritu que recoyemos na parte "Manuscritos".

<< Listáu de Autores

<< Tornar al Entamu