LLITERATU PORTADA
LA CITA: "Agora / pesllamos la mentira ente los besos / y nun oyimos / esa voz que mos glaya atristayada / que yá nun mos queremos." María Teresa González
Accesu Rápidu
EDICIÓN 14
01 de xineru de 2008
Xunta d'Escritores Asturianos 2008
La Nación Asturiana
29 d'avientu de 2007
El nuevu llibru de Carlos X. Blanco na Xunta d'Escritores

L'escritor Carlos X. Blanco va presentar el miércoles 2 de xineru a les 8,30 la tarde na Biblioteca del Campu San Francisco d'Uviéu, el llibru "La Nación Asturiana", qu'asoleya cola editorial Espublizastur, nel marcu de la Xunta d'Escritores Asturianos 2008. Blanco, con dellos artículos asoleyaos en delles revistes, collaborador en dellos medios, ente ellos Infoasturies.net y con un recién asoleyáu llibru ellectrónicu (en castellán) "Marxismo y Nación Asturiana", espubliza'l so primer llibru con una editorial y de xuru nun será l'últimu. La editorial asturiana Espublizastur entama cola publicación de La Nación Asturiana de Carlos X. Blanco la produición editorial propia, empincipiando cola colección "Ensayu" dirixía a espublizar, como'l propiu nome indica, ensayos en Llingua Asturiana. Esta coleición d'ensayu, de temática asturiana y na llingua del país, va enanchase con dellos títulos demientres 2008. D'otra miente Espublizastur tien pensáu abrir otra llinia editorial de producción científica, tamién en Llingua Asturiana. Les causes d'escoyer estes dos llinies pa la producción propia son, según la editorial, abrir la edición n'asturianu a dos temátiques xeneralmente escaecíes, ya que la producción anguañu céntrase na lliteratura mayormente: l'ensayu y la ciencia. Espublizastur ve necesario abrir posibilidaes pa publicar a xente qu'investiga n'asturianu y a la xente que reflexona sobre los problemes socio-económicos, culturales o identitarios. Tocántenes al enfotu na producción científica Espublizastur remarca la so importancia clave pa la dignificación de la Llingua Asturiana y confía en poder asoleyar investigaciones importantes. Carlos X Blanco, qu'anguañu vive y trabaya n'Hespaña, ye un asturianu al que-y esmolez Asturies ye l conxuntu de cuestiones que toquen la nuesa tierra. Tala molición llevólu demientres bien d'años a facer por esplicar que les problemátiques asturianes nun vienen a les resultes d'un castigu divínu, sinón pola mor d'una retafila de procesos non naturales o­nde s'enxerten persones con nome y apellíos. A éstes, La Nación Asturiana, llibru que tien la nuesa tierra como filu encarnáu, ye l'intentu más ambiciosu, completu y complexu a la d'analizar y interpretar lo qu'asocede n'Asturies al cargu d'un autor polémicu y comprometíu col país que lu vio ñacer. Carlos X. Blanco asegura que los asturianos déxense arrincar l'arguyu non pola mor de cuestiones económiques sinón pola pura falta de conocimientu y énte tala situación, percuerre la historia d'Asturies al traviés d'una llectura particular y peculiar de distintes categoríes materialistes que, d'otra banda, nun presenta nin infalibles.

Nuna Asturies o­nde nun ye fácil contestar (y menos zarrar la boca) a tantu mecenariu del periodismu, l'autor ye a atrevese dende les páxines de La Nación Asturiana a pegar veces (cuando de protesta, cuando de duelgu) pero tamién, y más importante na nuestra opinión, a combatir la falta de conocimientu de los sos compatriotes a los que tampoco nun dulda n'ufrir alternatives y ferramientes d'intervención política, faciendo d'esta obra un testu interesante, yá que'l compromisu y la sinceridá a la hora d'esponer opiniones son dalgo bien escoso na Asturies d'anguañu.

Autor: Redacción.

<< Tornar al Entamu


Relatos
El vieyu
01 de xineru de 2008
Unviáu por: Ezequiel Cala
Lleer relatu>> << Participar >>

Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |