D’una manotada descorrer l’horizonte, como quien

arrequexa’l cuarzu o abre de par en par el cordurón de los salgueros y s’abisma
al ruxerrux del marfil formentao qu'escuende nes sos entrañes
la madera. Un yodu encabritao desordena los pasos de cebra, escames
como pétalos. Descorrer l’horizonte
como quien al buscar allampáu l’equinociu
tres la ventana aparta d’un esparabán la cortina y siente nesi xestu
fuxir d’ente les manes un inflamable esnalíu  que revoltia pel cuartu hasta posase nun cuerpu que s’espereza ente sábanes fronterices.
El silenciu más blanco.