Nuna industria que suel ser abondo estática como ye la del sector editorial, esti añu ta siendo un añu de munchu movimientu y del entamu de nueves iniciatives. Nel casu de les editoriales Ámbitu y Trabe, l’añu entamaba con nueves actividaes, entrando dambes dos nel negociu audivisual al traviés de la producción de programes pa la TPA. La primera produz Pieces y Camín de cantares y la segunda dellos espacios dientro del programa Con dos de azucar, que más tarde van convertise nun programa diariu independiente: Al Aldu. Por embargu, la llegada al cargu de Directora Xeneral de Cultura y Política Llingüística diba facer que’l dueñu d’Ediciones Trabe vendiera la so empresa editorial al empresariu Inaciu Iglesias, ún de los accionistes principales d’Ámbitu.

Trabe dexaba asina’l sector audiovisual, que garró Antón García cola nueva empresa ‘Saltadera’ y los rumores sobre la fusión ente Ámbitu y Trabe taben nel aire. Unos rumores que Iglesiar aclarió nun diben facese realidá “cuanto menos nun plazu curtiu”.

Pero esti añu tamién hebo espaciu pal ñacimientu de nuevos proyeutos editoriales. Si l’añu pasáu ñacía Asturtoons, esti añu son Suburbia, dedicada a la lliteratura fantástica, y Araz Llibros, dedicada al ensayu.

Per otru llau, Llibros del Pexe anunció esti añu la fin de la so actividá cola espublización del so llibru últimu.

Fuente: Redacción./I.G.

<< Tornar al Entamu

De sutrucu daquién picó a la puerta nun cuartu cercanu. Un ruíu de guah.es llorando y les voces d’una madre rompieron la tranquilidá d’un aire que Carme alendaba ñerviosa. Too paecía tan normal, tan ruino, tan italiano. Pero’l Campillín siguía ehí, na so mente; lo mesmo que l’españíu de...