LLITERATU PORTADA
LA CITA: "El mio nome cruzaba la nueche montando nos llatíos de los perros. Nun taba sorprendíu. Yera como si atravesare la llinia del mieu." Manuel Rivas
Accesu Rápidu
EDICIÓN 14
01 de xineru de 2008
Xunta d'Escritores Asturianos 2008
Relatos
05 de payares de 2007
Adiós
Unviáu por: Fernández Fernández, Xurde

         Nun pudi despidime d’Ana...
         Nesta cama tomé’l determín últimu d’intentar falar con ella per teléfonu, pero nin lu garró nin contestó a los mensaxes dexaos en móvil (anque sé que llegaron). Dalgo asemeyao pasó colos correos electrónicos que-y unvio la mio familia.
         Nun sé mui bien qué foi lo que-y paeció tan mal como pa nun volver veme desque dexara l’hospital y viniera pa en casa a echame nesta cama metálica (sustituta de la mía de siempre).
         Tuviera dellos años diciéndome lo muncho que me quería, que teníemos qu’entamar darréu una vida conxunta pa nun separtanos enxamás (pero yo, la verdá, nunca fui capaz d’entamar nada)... Quiciabes nun aguantó que yo yá nun me pudiera llevantar de la cama, que nel hospital tuviera bien de díes malos, que nun tuviera muncha gana d’escuchar los sos problemes cuando yo tenía abondo colos mios.         Sabía que namás me quedaba media hora y intenté que viniera o que me llamara forzando la dureza de los mensaxes, diciéndo-y lo poco que quedaba; pero tampoco asina vino veme.
         Quiciabes mañana, cuando yá nun heba sol, venga, por fin, a despidise.

<< Tornar al Entamu << Participar >>



 


El Reportaxe
01 de xineru de 2008
La escritora Trinidad Ruiz va pesllar la Xunta d’Escritores Asturianos 2008 con una conferencia

Según informaben dende la organización de la Xunta d’Escritores 2008, Trinidad Ruiz va clausurar la Xunta d’Escritores Asturianos 2008 que va celebrase n’Uviéu, na Biblioteca del Campu San Francisco, los díes 2, 3 y 4 de xineru con una conferencia sobre’l llabor editorial nel Estáu y cola presentación d’ún de los sos últimos proyectos editoriales.


Redacción./Asturnews

Lleer más >>


Poemes
D’una manotada descorrer l’horizonte
01 de xineru de 2008
Unviáu por: Héctor Pérez Iglesias
Lleer poema >> << Participar >>
Col sofitu de la Conseyería de Cultura, Comunicación Social y Turismu
© 2004 LLITERATU.com -
  |  Publicidá  |  Condiciones d'Usu  |  Información d'Empresa  |  Contacte con nós  |